MƏHSULLAR

AĞILLI VR EYNƏK

VR eynək üç ölçülü vizual məkanları simulyasiya edə bilən xüsusi bir cihazdır. Quruluşca plastik korpusdan, arakəsmə ilə təchiz olunmuş ekrandan və təsviri fokuslayan asferik linzalardan    ibarətdir. Seyr edilən mənzərədə iştirak effekti jiroskop sensoru və akselerometr vasitəsilə bütün baş hərəkətlərini izləmə nəticəsində əldə olunan uyğunlaşdırılmış təsvirin hər gözə  ayrı-ayrılıqda ötürülməsi ilə əldə olunur.

VR eynəyi əsasən 3D videoları izləmək və virtual məkanda iştirak effekti yaratmaq üçün istifadə olunur. Virtual reallıq qurğuları sayəsində tədris prosesi yeni səviyyəyə çıxa bilər, məsələn, insanın anatomiyasını, kosmik cisimlərin hərəkətini, həndəsi fiqurların quruluşunu, atomların və molekulların strukturunu, öyrəndikdə obyektlərə hər tərəfdən baxmaq imkanı yaranır.

VR eynək hər bir əşyanı istənilən baxış nöqtəsindən nəzərdən keçirmək imkanı verərək evin, otağın interyerinin həcmli modelini yaratmağa imkan verəcəkdir. Daha da irəli gedərək, müştəriyə öz zövqü ilə mebel yerləşdirməyi və ya divarları boyamağı təklif etmək olar. Biz layihənin bu cür təsdiqlənməsinin hər iki tərəfin ürəyincə olacağını güman edirik.

İstifadəçi ilə virtual reallıq elementlərini əsl qarşılıqlı əlaqə halına gətirmək üçün əlavə təhcizatdan istifadə olunur:

• Maqnetometr— 3D məkanda oriyentasiyanı yaxşılaşdıran bir növ kompasdır;
• Pult – quraşdırılmış videopleyeri idarə etməyə imkan verir və VR eynəklərinin funksionallığını əhəmiyyətli dərəcədə genişləndirir;
• Qulaqlıqlar – virtual reallığa tam qapılmanı təmin edir;
• Mikrofon – səslə məlumat daxil etməyə və digər istifadəçilərlə ünsiyyət qurmağa imkan verir;
• Sahədə xarici istiqamətləndirmə sensorları – virtual reallıqda yerdəyişmənin daha yaxşı izlənməsi üçün otağın künclərində yerləşdirilir.