Hər bir ölkənin əsas resursu onun əhalisidir və səmərəli dövlət siyasətinin (sosial, siyasi, iqtisadi) həyata keçirilməsinin rəhni əhalinin qeydiyyat və uçotunun etibarlı və müasir sisteminin mövcudluğudur. Elektron sistemlərin geniş tətbiqi ilə əlaqədar olaraq onlar tez – tez pərakəndə və daryönümlü şəkildə yaradılır və onlarda məlumat toplandıqca, təkrarlanmaqda olan, qeyri-dəqiq və qeyri-aktual informasiyanın olması, inteqrasiyanın və optimal istifadənin mümkünsüzlüyü kimi problemlər meydana çıxır. Bu cür problemlərin ən effektiv həlli ölkəyə gələn və ya yaşayan şəxslərin etibarlı identifikasiyası üçün biometrik texnologiyaların tətbiqidir.
Biometriya ölçülə bilən unikal bioloji, fizioloji və davranış xüsusiyyətləri əsasında insanların tanınması sistemidir. Ən geniş yayılmış, etibarlı, tətbiqi üçün kifayət qədər sadə və nəticədə əhalinin iri elektron qeydiyyat sistemlərində istifadə üçün daha əlverişli olan biometrik xarakteristikalar barmaq və ovuc izləri, üz təsvirləri və gözlərin qüzəhi qişasından ibarətdir.
Şirkət tərəfindən yaradılmış “Biometrik məlumat bankı” həlli biometrik məlumatların toplanması, müxtəlif mənbələrdən informasiyanın birləşdirilməsi, verifikasiya və identifikasiya funksiyalarının verilməsi və xarici sistemlərlə çevik inteqrasiya məsələlərinin bütün spektrini yerinə yetirməyə imkan verir. Biometrik məlumatlar bankından istifadə müxtəlif sahələrdə dövlət və özəl xidmətlərin daha sadə, sürətli, təhlükəsiz və rahat göstərilməsini təmin edir, saxtalaşdırma və digər pozuntuların qarşısını alır.
