Şaquli ferma – şəhər mənzərəsini bəzəyən və eyni zamanda şəhər sakinlərini təzə və təhlükəsiz kənd təsərrüfatı məhsulları ilə təmin edən açıq tipli çoxmərtəbəli hidropon qurğusudur.
Hidroponika – torpaqdan istifadə etmədən kənd təsərrüfatının aparılması texnologiyası və latın dilindən tərcümədə «iş suyu» deməkdir. Torpaq olmadıqda ənənəvi kənd təsərrüfatı ilə müqayisədə daha kiçik sahələrdən və ixtiraçı dizayndan istifadə edərək hidropon texnologiyası ilə gözəl meyvə, tərəvəz, otlar və çiçəklər yetişdirilir, onları inert mühitə salır, həmçinin zəngin qida maddələri və oksigen məhlulları ilə təchiz edir.
Bu sahədə tədqiqatçılar sübut etdilər ki, qida maddələrinin kök sisteminə birbaşa təsiri ənənəvi suvarmadan daha səmərəli və universal becərmə üsulu ola bilər.
Hidropon texnologiyası eyni zamanda yüksək məhsuldar, su və resurs qoruyucu və kompakt olmaqla yanaşı istehsal prosesinin bütün əlamətlərini özündə birləşdirir. Yuxarıda geyd olunanların hamısı «şaquli fermaların» – çoxyaruslu hidropon qurğularının yaranmasına səbəb olub.
Ənənəvi kənd təsərrüfatı ən böyük torpaq və su istehlakçısı, həmçinin yeraltı suların çirklənməsinin əsas mənbəyidir və qazıntı yanacağının istehlakçısıdır. Tərkib hissəsi şəhər kənd təsərrüfatı olan dayanıqlı şəhərlər konsepsiyası kənd landşaftlarına yükün öhdəsindən gəlməyə, torpağın və su ehtiyatlarının deqradasiyasına, insanın ətraf mühitə təsirini azaltmağa imkan verir.
Şəhər kənd təsərrüfatının üstünlükləri çoxdur. Etibarlı qida mənbəyi olmaqla şəhərin özünü təmin etməsini artırır, keyfiyyətli məhsul mənbəyinə giriş imkanı verir, təbii və antropogen amillərdən asılı deyil, sərt sanitariya normalarına cavab verir.
