Elektron qolbaq nəzarətdə olan şəxslərin fasiləsiz uzaqdan izlənməsini həyata keçirmək üçün istifadə olunur. Elektron qolbaq – xüsusi qurğudur, hansı ki, nəzarət altında olan şəxsin ayağına bərkidilir. Qolbaq daimi daşıma üçün nəzərdə tutulmuşdur.
İki növ elektron qolbaq hazırlanıb – standart və avtonom qolbaqlar. Əməliyyat rejimindən asılı olaraq, standart qolbaq baza stansiyasına və RF sensorlarına (ev dustaqlığı rejimi) və ya mobil nəzarət cihazına və RF sensorlarına (yerdəyişmə azadlığının məhdudlaşdırılması rejimi) qoşulur. Avtonom qolbaq mərkəzi monitorinq sistemi ilə məlumatların mübadiləsi üçün quraşdırılmış GSM və GPS modullarını özündə saxlayır, bu da əlavə mobil nəzarət qurğusundan istifadə etmədən nəzarət və izləmə imkanını təmin edir. Hər iki növ elektron qolbaqlar IP68 müdafiə dərəcəsinə (Ingress Protection Rating – nüfuza qarşı müdafiə dərəcəsi) uyğun olaraq yerinə yetirilmişdir.
